Австриянинг Грац шаҳрида жойлашган мактабда 10 июнь куни тонгда қуролли ҳужум содир бўлди. Маҳаллий полициянинг маълум қилишича, ҳужумчи мактаб ҳудудига кириб, ўқ узган.
Маълумотларга кўра, ҳалок бўлганлар сони 10 нафарга етган. Ҳалок бўлганлар орасида ўқувчилар бор. Яна бир неча киши яраланган. Ички ишлар вазирлиги маълумотларига кўра, ҳозирда қурбонларнинг шахси ўрганилмоқда.
Тасдиқланган маълумотларга кўра, жиноятчи 22 ёшли собиқ талаба. Айтилишича, унинг ёнида узун тўппонча (тахминан ов милтиғи) бўлган.
Полиция ҳужумчини ҳибсга олганини ва ҳозирда у сўроқ қилинаётганини маълум қилди. Воқеа жойи ўраб олинган, мактаб ўқувчилари хавфсиз ҳудудга кўчирилди.
Ҳозирда ҳодиса юзасидан тергов ишлари олиб борилмоқда. Ҳужумнинг сабаблари ва ҳужумчининг шахси ҳақида ҳозирча маълумот берилмаган.
Грац шаҳар ҳокимияти ва мактаб маъмурияти ота-оналарни хотиржам бўлишга чақирди.
Комментарии