Қўнғирот туманида ободонлаштириш бошқармасига ишга жойлаштириб қўйишни ваъда қилган шахс ушланди. Бу ҳақда Прокуратура департаменти хабар қилди.
Бош прокуратура ҳузуридаги Департаментнинг Қўнғирот тумани бўлими, ДХХ ва ИИВ ходимлари ҳамкорлигида ўтказилган тезкор тадбирда Ободонлаштириш бошқармаси ёрдамчи ходимлар бўлими ходимаси Г.А фуқаро А.О.нинг ишончига кириб, уни Нукус шаҳар ободонлаштириш бошқармасига ишга жойлаштириб қўйиши эвазига 10 млн сўм пулни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Комментарии