Янги Ўзбекистон йўлининг "Янги Ўзбекистон" боғига туташ қисми 1 ойга ёпилади

Янги Ўзбекистон кўчасининг "Янги Ўзбекистон" боғи манзилида ер ости йўл ўтказгичи қурилмоқда ва қурилиш таъмирлаш ишлари олиб борилмоқда.

Шу муносабат билан бугун соат 07:00 дан 9 август кунига қадар Янги Ўзбекистон йўлининг (Тошкент вилоятидан ҳаракатланиб келишда) "Янги Ўзбекистон" боғига туташ қисмидан автоуловлар ҳаракати тўхтатилади. Бу ҳақда Мирзо Улуғбек тумани ҳокимлиги Матбуот хизмати хабар берди.

Автоуловлар ҳаракати "Янги Ўзбекистон" боғи чегара ҳудудидаги йўл орқали "Миллий боғ" кўчасига йўналтирилади.