Россия ЖКнинг 272-моддаси 4-қисми билан компютер маълумотларидан ноқонуний фойдаланиш бўйича жиноий иш қўзғатилди, дейилади Бош прокуратура хабарида.
Кремл "Аэрофлот"га уюштирилган ҳужумга изоҳ берди - Россия президенти матбуот котиби Дмитрий Песков вазиятни "етарлича хавотирли" деб атади.
Аввалроқ "Аэрофлот" ахборот хизматлари ишламай қолгани, натижада 50 га яқин рейс бекор қилинганини маълум қилганди.
Киберҳужум учун жавобгарликни Silent Crow хакерлик гуруҳлари ва Беларуснинг "Киберпартизанлари" ўз зиммаларига олишди. "Аэрофлот" акциялари Москва биржасида деярли 4 фоизга арзонлашди.
Эслатиб ўтамиз, бугун "Аэрофлот" ахборот тизимларидаги носозлик туфайли Москвадан 42 та рейсни бекор қилгани ҳақида хабар берган эдик.
Комментарии