Фаластиннинг Ўзбекистонга келган кекса фуқароларига нафақа тўланади

Ўзбекистонга келган Фаластин фуқаролари доимий ғамхўрлик ва ижтимоий қўллаб-қувватланади. Бу ҳақда "Ўзбекистондаги бир гуруҳ фаластинлик фуқароларга меҳр-шафқат тамойиллари асосида давлат томонидан ғамхўрлик ва ёрдам кўрсатиш тизимини йўлга қўйиш чора-тадбирлари тўғрисида"ги президент фармонида сўз боради.

Ушбу ҳужжатга кўра:
- Ўзбекистонга келган Фаластин фуқароларига зарур иш стажига эга бўлмаган кекса ёшдаги фуқаролар учун назарда тутилган нафақа тайинланади;
- меҳнатга лаёқатли ҳар бир меҳмонга (И ва ИИ гуруҳ ногиронлиги бўлган шахслардан ташқари) ҳар ойда минимал истеъмол харажатлари миқдорида нафақа тўланади;
- меҳмонларнинг ҳар бир оиласига яшаш жойидаги ижара харажатлари қоплаб берилади;
- меҳмонларга бола туғилганда бериладиган бир марталик нафақа, шунингдек, дафн маросими учун нафақа Ўзбекистон фуқаролари учун белгиланган миқдорларда тўланади;
- меҳмонларнинг ҳар бир оиласига биринчи навбатда зарур бўлган товарлар (маиший эҳтиёж учун ноозиқ-овқат товарлари тўплами) сотиб олиш учун қўшимча равишда бир марталик нафақа тўланади;
- ҳар бир оилага маҳалладан биттадан ижтимоий ходим бириктирилиб, уларни шахсан кузатиб бориш, индивидуал ёрдам кўрсатиш, эҳтиёж ва сўровларини инобатга олиш чоралари кўрилади.