"Тошиссиққуввати" ДУК 2020-2021 йиллар иситиш мавсумидан бошлаб, истеъмолчилар учун иссиқлик таъминоти хизматларига янги тарифларни эълон қилди.
Унга кўра, 2020-2021 йиллар иситиш мавсумидан бошлаб, марказлаштирилган иссиқлик таъминоти хизматлари учун истеъмолчилар билан ҳисоб-китоб, иситиш даврининг бир кунига иситиш майдонининг 1 кв.м учун ҳисоб-китоб тўлов тизимига ўтказилади.
"Тошиссиққуввати" ДУК иситиш даврининг бир кунига 1 кв.м иситиш майдони учун тариф – 142 сўм миқдорида белгилаган.
Иситиш мавсумининг бошланиши Тошкент шаҳар ҳокимининг қарори билан белгиланади.
Қолган тарифлар аввалги даражада қолади.
Эслатиб ўтамиз, 2019 йил 2 декабрь куни Ўзбекистон президентининг «Иссиқлик таъминоти тизимини такомиллаштириш ва иссиқлик таъминоти корхоналарини молиявий соғломлаштиришга оид қўшимча чора-тадбирлар тўғрисида» ги ПҚ-4542-сонли қарори қабул қилинганди.
