Жорий йилнинг 26 декабрь куни тахминан соат 21:30 атрофида 2001 йилда туғилган ҳайдовчи тўрт нафар танишини стадиондан олиб, уларнинг уйи томон йўл олган. Йўлда у бошқарувни йўқотиши оқибатида автомобиль йўловчилар билан бирга каналга тушиб кетган.
Ҳайдовчи чўкаётган автомобилдан чиқишга муваффақ бўлган. У касалхонага ётқизилган.
19-20 ёшли тўрт нафар йўловчи эса чўкиб кетган. Уларнинг барчаси бир маҳаллада яшагани айтилмоқда.
Мазкур ҳолат юзасидан ЖКнинг 266-моддаси 3-қисми "а" банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов олиб борилмоқда.
Комментарии