Олий суд экстремизм ва терроризм ғоялари билан боғлиқ материалларни Ўзбекистон ҳудудига олиб кириш, тайёрлаш, тарқатиш ва намойиш этиш тақиқланган материалларнинг янгиланган рўйхатини эълон қилди.
Рўйхатга Facebook’да 249 та саҳифа, Telegram мессенжерида 790 та канал ва гуруҳ, Инстаграмда 265 та профиль, Youtube’да 167 та канал, "Одноклассники"да 36 та саҳифа, Tiktok’да 53 та аккаунт, 33 та веб-сайт ва тақиқланган материаллар мавжуд бўлган бошқа манбалар киритилган.
Беш ой ичида рўйхат 200 дан ортиқ тақиқланган материалларга эга янги манбалар билан тўлдирилди, ўтган йилнинг сентябрь ойида манбалар сони 1385 тани ташкил этганди. Уларнинг деярли ярми Telegram'даги янги гуруҳ ва каналларга тўғри келади.
Эслатиб ўтамиз, рўйхатда кўрсатилган каналлар ва гуруҳлар томонидан эълон қилинган материалларни тарқатиш қонунбузарлик ҳисобланади.
Комментарии