Кеча, 21 январь куни АҚШдан депортация қилинган Ўзбекистон фуқаролари бўлган навбатдаги чартер рейс етиб келди, деб хабар бермоқда ТИВ матбуот хизмати.
Ушбу рейс билан АҚШ ҳудудида ноқонуний бўлиб турган 44 нафар ўзбекистонлик ватанга қайтарилди.
"Чартер рейси АҚШнинг тегишли давлат идоралари билан ҳамкорликда ташкил этилди, бу эса Ўзбекистон фуқароларининг мамлакатга хавфсиз ва ўз вақтида қайтишини таъминлаш имконини берди," - деди ТИВ матбуот котиби Аҳрор Бурхонов.
У мазкур тадбир Ўзбекистон ва АҚШ ўртасидаги ҳамкорликнинг яна бир муҳим намунаси эканини таъкидлади.
Хориждаги ватандошлар хавфсизлигини таъминлаш, уларнинг қонуний ҳуқуқларини ҳимоя қилиш ва Ватанга қайтариш борасидаги ишлар давом эттирилмоқда.
Комментарии