Тошкент халқаро аэропортида ўзбекистонлик аёлларни Бангкок рейсига жўнатаётган вақтда икки аёл қўлга олинди.
Қизларга клубда раққоса бўлиб ишлаш таклиф қилинган. Бироқ жабрланувчилардан бири ички ишлар органларига мурожаат қилиб, раққоса бўлиб ишлаш, кейинчалик эса фоҳишалик билан шуғулланиш учун Таиландга боришни таклиф қилишганини айтди.
Мурожаат асосида улар кузатувга олиниб, парвоздан олдин қўлга олинган.
Дастлабки сўроқ давомида улар Таиландда жабрланувчини Бурак исмли номаълум шахсга топширишлари кераклиги маълум бўлган.
Мазкур ҳолат юзасидан ЖКнинг 135-моддаси (одам савдоси) билан жиноят иши қўзғатилган. Икки нафар аёлга нисбатан қамоққа олиш тарзидаги эҳтиёт чораси қўлланилиб, тергов ҳаракатлари олиб борилмоқда.
Комментарии