Маълум қилинишича, Юқори молекулали ўсимлик моддалари кимёси лабораторияси мутахассислари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиққан.
Ташқи кўриниши ва механик хоссалари жиҳатидан синтетик полиэтилен плёнкаларга ўхшаш бўлган ушбу маҳсулот табиат учун мутлақо хавфсиз бўлиб, тупроқ ва сув муҳитида осон парчаланади.
Мутахассислар ушбу биоплёнкалар озиқ-овқат ва фармацевтика саноатида қўллаш учун истиқболли эканини таъкидлаб, улар пластик чиқиндилар ҳажмини камайтиришда муҳим аҳамиятга эга бўлишини қайд этмоқда.
Янги ишланма маҳаллий хомашёга асослангани ҳамда атроф-муҳит ва инсон саломатлиги учун хавфсизлиги билан «яшил иқтисодиёт» ва барқарор ривожланишга қаратилган муҳим қадам сифатида баҳоланмоқда.
Комментарии