Тошкент халқаро аэропортида йирик миқдордаги олтинни ноқонуний равишда хорижга олиб чиқишга уринишнинг олди олинди. Бу ҳақда ДХХ хабар берди.
Хусусан, ДХХ ва "Тошкент-Аэро" ихтисослаштирилган божхона мажмуаси ҳамкорлигида ўтказилган тезкор тадбирда Тошкент - Дубай рейси йўловчиларидан бирининг юклари батафсил кўздан кечирилди.
Андижон вилоятида туғилган, 1980 йилда туғилган, Тошкент шаҳрида яшовчи фуқаронинг чамадонидан олтин топилган. У жомадоннинг ички конструкциясига пластинкалар шаклида яширилган эди. Олинган олтиннинг умумий оғирлиги 1 кг 923 граммни ташкил этди.
Текширув давомида ушбу ҳолатга 1992 йилда Тошкент вилоятида туғилган, муқаддам ЖКнинг 182-моддаси (божхона тўғрисидаги қонун ҳужжатларини бузиш) билан судланган шахс алоқадорлиги маълум бўлди. Терговга қадар текширув ҳаракатлари олиб борилмоқда.
Комментарии