Ўзбекистон Республикаси Энергетика вазирлиги айни пайтда Ўзбекистондан Тожикистонга газ етказиб берилмаётгани ҳақида тарқалган хабарлар ҳақиқатга тўғри келмаслигини маълум қилди.
Қайд этилишича, Ўзбекистондан Тожикистонга газ етказиб бериш шартнома мажбуриятларига ва тожик томонининг эҳтиёжларига мувофиқ амалга оширилмоқда.
Эслатиб ўтамиз, Тожикистон Президенти ҳузуридаги Монополияга қарши хизмат раҳбари Aбдулмажид Мўминзода 4 сентябрь куни бўлиб ўтган матбуот анжуманида Ўзбекистон газ етказиб беришни йил охирига, Қозоғистон эса ой охирига қадар тўхтатганини маълум қилгани айтилганди.
