Кўнгилли равишда пахта тераман деб рўйхатга ёзилганларнинг ҳар бирига ишни бошламасдан туриб маош сифатида 500 минг сўмдан пул берилади.
Бу ҳақда Бандлик ва меҳнат муносабатлари вазири ўринбосари Баҳодир Умрзоқов АОКАда ўтказилган матбуот анжуманида маълум қилди.
«Узоқ чўл ҳудудларидаги пахта далаларидаги теримчиларга 1 кило пахтаси учун 1200 сўмдан берилади. Шунингдек, «подряд» раҳбарларига ҳам аввалдан 2 млн сўмдан берилади», дейди вазирлик вакили.
Баходир Умрзоқовга кўра, бу мавсумга тегишли молиявий тадбир ҳисобланиб, бунга етарли даражада молиявий манба ҳам шакллантирилган.
«Биз қўрқитиш орқали эмас, балки моддий рағбатлантириш механизми орқали жалб қилишимиз керак. Агар давлат талаблари бузиладиган бўлса, албатта улар жазога тортилади», деди Бандлик ва меҳнат муносабатлари вазири ўринбосари Баҳодир Умрзоқов.
