Соғлиқни сақлаш вазирлиги хабарига кўра, Россиянинг нуфузли тиббиёт муассасаларида фаолият олиб бораётган 40 нафарга яқин мутахассисдан иборат нуфузли тиббий гуруҳ Ўзбекистонга етиб келди.
Мутахассислар бир ой давомида коронавирусга чалинганларни даволаш муассасаларида маҳаллий шифокорлар билан ҳамкорликда ишлайди.
Хусусан, россиялик мутахассислар Эпидемиология, микробиология ва юқумли касалликлар илмий текшириш институти, Вируслогия илмий текшириш институти клиникаларида, Зангиота туманидаги юқумли касалликлар шифохонасида, шунингдек қатор вилоятлардаги шу соҳага ихтисослашган шифохоналарда фаолият кўрсатиши маълум қилинган.
