13 август куни соат 14:45да Қорақалпоғистоннинг Амударё туманида икки нафар боланинг ўлимига сабаб бўлган ЙТҲ содир бўлган. Бу ҳақда ИИВ ЙҲХББ ахборот хизмати хабар бермоқда.
34 ёшли Ш.Қ. Nexia автомобилини маст ҳолда ва юқори тезликда бошқарган ва велосипедда ҳаракатланиб кетаётган 11 ёшли Р.Г. ва 10 ёшли Ш.Н.ни уриб юборган.
Ҳодиса оқибатида, икки нафар вояга етмаган фуқаролар оғир тан жароҳатлари олиб, воқеа жойида вафот этган.
Мазкур ЙТҲ юзасидан Амударё тумани ИИБ ТБ томонидан терговга қадар суриштирув ишлари олиб борилмоқда.
