Айни вақтда Ахборот ва оммавий коммуникациялар агентлиги ҳузуридаги штабда Республика махсус комиссиясининг карантинни кучайтириш ҳақидаги қарорига бағишланган брифинг бўлиб ўтмоқда.
Унда Республика ихтисослаштирилган Эндокрионология илмий-амалий тиббиёт маркази директори Анвар Олимов ҳозирги шароитда коронавирусга қарши курашиш нега қийин кечаётганини таъкидлади.
“Карантинни бир вақтнинг ўзида барча ҳудудларда 20 кунга ўтказадиган бўлсак, биз занжирни 95-99 фоизга узамиз.
Аммо ҳозир нима бўляпти? Фаолият кетяпти. Занжир узилаётгани йўқ. Бунинг иложи бўлмади.
Тўғри тушуниш керак, 20 кун ичида бирданига ҳаммаёқни тўхтатиб, занжирни узадиган бўлсак, тарқалиш даражасини жуда пасайтирамиз” — деди Анвар Олимов ўз нутқида.
