Соғлиқни сақлаш вазирлигининг хабарига кўра, 61 ёшли О.Н. 27 июнь куни касалланган киши билан бирламчи мулоқотда бўлганлиги сабабли вилоят юқумли касалликлар шифохонасига ётқизилган.
Қайд этилишича, унга COVID-19 инфекцияси оғир кечиши ташхиси қўйилган. Касаллик икки томонлама пневмония, ўткир нафас етишмовчилигининг 3-даражаси асорати билан кечган.
«Бемор бундан аввал сурункали буйрак етишмовчилиги, гипертония касаллиги, юрак ишемик касаллиги, ўткир миокард инфаркти билан ҳам оғриган», - дейилади хабарда.
Бемор шифокорларнинг стандартлар асосида ўтказган тезкор реанимацион муолажаларига қарамасдан, ўткир нафас ва ўткир юрак қон-томир етишмовчилигидан вафот этган.
