Президент Шавкат Мирзиёевнинг жорий йил 3 июлдаги қарори билан 2 нафар Соғлиқни сақлаш вазири ўринбосарлари лавозимидан озод қилинди.
Низомов Баҳодир Маҳмудович бошқа ишга ўтганлиги муносабати билан вазир ўринбосари лавозимидан озод қилинди.
Шунингдек, Соғлиқни сақлаш вазирининг хорижлик ўринбосари ва Ўзбекистон Республикаси Бош вазирининг ижтимоий ривожлантириш масалалари бўйича ўринбосари маслаҳатчиси Ли Донгвук ҳам вазифасидан озод қилинди.
Эслатиб ўтамиз, 2019 йил 5 март куни Ўзбекистон Республикаси Президентнинг қарори билан Донгвук Ли Соғлиқни сақлаш вазирининг ўринбосари ва Ўзбекистон Республикаси Бош вазирининг ижтимоий ривожлантириш масалалари бўйича ўринбосари маслаҳатчиси лавозимига тайинланган ва соғлиқни сақлаш соҳасига илғор хорижий тажрибаларни жорий этиш бўйича таклифлар тайёрлаш ва ислоҳотларни эксперт жиҳатдан қўллаб-қувватлашга масъул этиб белгиланган эди.
