26 июнь соат 17:00 ҳолатига кўра, Ўзбекистонда коронавирус инфекцияси қайд этилган кишилар сони 7320 (+92) нафарни ташкил этмоқда.
Соғлиқни сақлаш вазирлигининг хабарига кўра, касалланган фуқароларнинг 70 нафари карантин марказларида бўлган.
20 нафар фуқаро Тошкент шаҳрида аниқланган: 16 нафари коронавирус билан касалланган кишилар билан мулоқотда бўлган фуқаролар ва 4 нафари аҳоли орасида.
Яна иккита ҳолат Бухоро вилоятида қайд этилган - 1 нафари коронавирус билан касалланган кишилар билан мулоқотда бўлган фуқаролар ва 1 нафари аҳоли орасида.
