Аҳоли орасидан COVID-19 билан касалланганлик бўйича яна 11та ҳолат аниқланди
Касалланганлик бўйича янги ҳолатларнинг барчаси Самарқанд вилоятида аниқланган.
Соғлиқни сақлаш вазирлигининг хабарига кўра, коронавирус инфекцияси яна 22 нафар кишида аниқланган.
Қайд этилишича, COVID-19 аниқланган кишиларнинг 11 нафари аввалдан карантинда бўлган. Уларнинг 6 нафари чет этдан келган, 5 нафари эса касалликни беморлар билан мулоқот орқали юқтириб олган.
Яна 11та ҳолат эса аҳоли орасидан — Самарқанд вилоятида истиқомат қилувчи фуқаролардан аниқланган.
22 май соат 16:30 ҳолатига кўра, Ўзбекистонда коронавирус инфекцияси қайд этилган кишилар сони 3028 нафарни ташкил қилмоқда.
Ҳозирда мамлакат касалхоналарида 552 нафар бемор даволанмоқда.
