Соғлиқни сақлаш вазирлигининг маълумотларига кўра, 28 март ҳолатига кўра мамлакатда коронавирус инфекцияси билан касалланганлар сони 16тага ошиб, 104 нафарни ташкил этмоқда.
Хабар берилишича, COVID-19 натижасида вафот этган 39 ёшли эркак шифокор бўлган. Бемор Ўзбекистонда илк бор COVID-19 ташхиси қўйилган аёл (Париждан келган) билан мулоқотда бўлган. У касаллигини дастлаб билган ва шифокорларга мурожаат этмай, уйида яширинча даволанган.
У 26 март куни Тошкент шаҳридаги Эпидемиология, микробиология ва юқумли касалликлар илмий текшириш институти клиникасига тез ёрдам хизмати орқали ётқизилган. 27 март куни эса Вирусология илмий текшириш институтига ўтказилган.
“Бу бемор уйида бўлган пайтда қанча одамлар у билан мулоқот қилган, мулоқотда бўлиб касалликни юқтириб олганлар ўз навбатида яна қанча инсонларга тарқатган“, - дейилади хабарда.
