Бош прокуратура ҳузуридаги Департаментнинг Самарқанд вилояти бошқармаси томонидан вилоят прокуратураси ҳамда ДХХ ходимлари билан ўтказилган тезкор тадбирда, Самарқанд иқтисодиёт институти декани ўринбосари ушланди, дейилади Бош прокуратура хабарида.
Олий таълим муассасаси ходими Қозоғистон олий ўқув юртида ўқиётган талабанинг ўқишини Самарқанд иқтисодиёт институтига кўчириш эвазига пора тариқасида 4000 АҚШ долларини олаётган вақтида қўлга олинган.
Мазкур ҳолат юзасидан Самарқанд иқтисодиёт институти декани ўринбосарига нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
