Ўзгидромет маълумотларига кўра, 22 февраль куни республиканинг марказий қисмларида (Тошкент, Самарқанд, Жиззах ва Сирдарё вилоятлари) ёмғир ёғиши кутилмоқда.
Ўзбекистоннинг қолган ҳудудларида ёғингарчилик бўлмайди. Ҳаво ҳарорати кечаси +2…+7 даража, кундузи эса +8…+13 даража бўлади.
23 февраль куни Ўзбекистон ҳудудига Туркманистон томондан илиқ ва нам ҳаво оқими кириб келиши кутилмоқда. Республиканинг катта қисмида об-ҳаво ёғингарчиликсиз бўлади.
Фақатгина Самарқанд ва Қашқадарё вилоятларида куннинг иккинчи ярмида кучсиз ёмғир ёғиши мумкин. Кундузги ҳарорат +12…+17 даражани ташкил қилади.
