17 февраль куни Қашқадарё вилояти, Ғузор туманида 3 нафар ака-укалар ҳожатхона учун чуқур қазиётганларида, уларнинг 2 нафарини тупроқ босиб қолди, деб хабар бермоқда Ўзбекистон ФВВ матбуот хизмати.
Ҳодиса жойига қутқарув гуруҳи қисқа вақт ичида етиб бориб, 1987 йилда туғилган фуқаро А.И.ни қутқариб олишган. Тупроқ остида қолган бошқа бир фуқаро 1984 йилда туғилган А.И. ҳодиса юз берган жойда ҳалок бўлган.
Ҳолат юзасидан дастлабки терговолди суриштирув ишлари олиб борилмоқда.
