Транспорт вазирлиги ва “Тошкент метрополитени” ДУК мутасаддилари иштирокида АОКАда ўтказилган брифингда метрополитен мутахассислари томонидан бошқа мобил алоқа операторларини жалб қилиш бўйича ишлар олиб борилаётгани айтилди.
Қайд этилишича, Тошкент метрополитени йўловчилар билан тўғридан тўғри ва тезкор мулоқотни йўлга қўйиш мақсадида “Метрополитен - йўловчи” портали очилади. Ушбу портал орқали барча йўловчилар метрополитен фаолияти бўйича ўз таклиф ва эътирозларини билдиришлари мумкин.
