Ўзбекистонлик абитуриент бир вақтнинг ўзида 18та университетга ўқишга киришга муваффақ бўлди ва бу борада рекорд ўрнатди, дейилади Sevimli телеканалининг лавҳасида.
У шунингдек, яна бир университетдан жавоб кутмоқда.
Эслатиб ўтамиз, 2018 йили бошқа бир абитуриент бир вақтда 14 та ОТМга ўқишга кирган эди.
Жаҳонгир Маҳамматкаримов ҳикоясига кўра, у кирган университетлар орасида БАА, Малайзия, Жанубий Корея, Россия ва Тошкент шаҳридаги ИНҲА, Иқтисодиёт ва бошқа университетлар бор. Абитуриент ОТМларнинг учтасига грант асосида кирган.
У ўқишни Губкин номидаги Москва нефт ва газ университетининг Тошкентдаги филиалида давом эттиришни исташини маълум қилган.
