11 июль куни тахминан соат 16:00да «Пахтакор» метро бекатида 59 ёшли аёл темир-йўл йўлагига йиқилиб тушган. Бу ҳақда «Ўзбекистон темир йўллари» матбуот хизмати хабар бермоқда.
Бекат ходимлари томонидан аёлга платформага чиқиб олишда тезкор ёрдам кўрсатилган. Йиқилиш натижасида аёл жароҳат олмаган. У йиқилишдан олдин боши айланганини айтиб ўтган.
Қайд этиб ўтамиз, мазкур ҳодиса метрополитен поездларининг ҳаракат жадвалига таъсир кўрсатмаган.
