Адлия вазирлиги бугунги кунда суднинг ҳукмига асосан тегишли жазони ўтаётган маҳкума Г.И.Каримованинг жазони ўташ муассасасидаги шарт-шароитлар хусусида билдирилаётган турли хабарлар юзасидан вазирлик томонидан маҳкума сақланаётган Тошкент вилояти Зангиота туманидаги умумий тартибли 21-сон аёллар колониясида ўрганиш ўтказилаётгани ҳақида хабар берди.
"Оммавий ахборот воситалари ва ижтимоий тармоқлар фойдаланувчиларини мазкур масала юзасидан турли хил асоссиз хабарлар тарқатмасликка чақирамиз", - дейилади хабарда.
Шунингдек, Адлия вазирлиги ўрганишлар натижаси юзасидан қўшимча ахборот тақдим қилиши маълум қилинган.
