24 июнь куни тахминан соат 3:50да Яшнобод туманидаги Мирзо-Улуғбек – Махтумқули кўчалари кесишмасида пиёда ўлимига сабаб бўлган ЙТҲ содир бўлди, дейилади ИИББ хабарида.
«Nissan Maxima» русумли автомобиль ҳайдовчиси 31 ёшли Татьяна Т. пиёдалар йўлакчаси бўйлаб ўтиб кетаётган 27 ёшли Бобур К.ни уриб юборган. ЙТҲ натижасида пиёда воқеа жойида ҳаётдан кўз юмган.
ЙТҲ сабаби: ҳайдовчи маст ҳолатда бўла туриб, автомобилда тезлик оширган ҳолда ҳаракатланган.
