Анталья провинциясида микроавтобус енгил автомобиль билан тўқнашиб кетди. ЙТҲ эрталаб соат 9:00да содир бўлган. Бу ҳақда Туркиянинг Hurriyet нашри хабар бермоқда.
ЙТҲда 11 киши жароҳатланган, уларнинг 7 нафари Ўзбекистон ва Россия фуқаролари бўлишган. Барча жароҳатланганлар шифохонага ётқизилган.
Ўзбекистон ТИВнинг хабар беришича, мазкур ЙТҲда Ўзбекистон фуқароси И.Л. енгил жароҳат олган. Тегишли текширувдан сўнг унинг касалхонага ётқизилиши шарт эмаслиги тасдиқланган.
