Наманган вилоят ИИБ хабарига кўра, 26 март куни соат 07.00 атрофида «Фарғона ҳалқа йўли» автомобиль йўлининг 25-километрида кўплаб инсонлар ўлимига олиб келган ЙТҲ содир бўлган.
Ш.Д Lacetti русумли машинани бошқариб келаётганида С.Э. бошқарувидаги Isuzu русумли автомобиль билан тўқнашган.
Ҳодиса оқибатида Lacetti ҳайдовчисининг оила аъзолари — онаси, акаси, турмуш ўртоғи, қизи ва яна бир йўловчи воқеа жойида ҳалок бўлди. Lacetti ҳайдовчиси ҳамда Isuzu ҳайдовчиси ва йўловчиси тан жароҳати олиб, Поп туман касалхонасига ётқизилган.
Ҳолат юзасидан суриштирув ишлари олиб борилмоқда.
