«UzNews.uz» манбасининг хабар беришича, 8-автобус саройига қарашли «Mercedes Benz» маркали 95-автобус «Юнусобод 15 квартал – Авиасозлар» йўналишида ҳаракатланган.
Ёнғин ҳақидаги хабар Ёнғин хавфсизлиги бўлими навбатчилик қисмига соат 14:57да келиб тушган. 10 дақиқа ўтгач ёнғин содир бўлган манзилга икки навбатчи гуруҳ етиб келган ва соат 15:11 да ёнғин ўчирилган.
Автобуснинг мотор қисми ёнгани ва бунинг натижасида ҳеч ким жабрланмагани маълум қилинган.
Ҳозирги вақтда ёнғин сабабларини ўрганиш бўйича ишлар олиб борилмоқда.
