Кеча, 23 сентябрь куни Тошкент вақти билан соат 22:02 да Ўзбекистон ва Тожикистон чегарасида зилзила содир бўлди. Бу ҳақда ФВВ Сейсмопрогностик мониторинг маркази хабар берди.
Магнитудаси 3,7 ҳамда чуқурлиги 5 кмга тенг бўлган зилзила марказидан Тошкентгача масофа 187 км жанубий-ғарбий йўналиш бўйича жойлашгани маълум қилинган.
Ўзбекистон ҳудудида Гулистон (94 км; 2 балл) ва Жиззах шаҳарларида (72 км; 2 балл) зилзила сезиларли даражада содир бўлган.
Ўзбекистоннинг бошқа ҳудудларида ер силкиниши қайд этилмагани айтиб ўтилган.
Талафотлар ва жабрланганлар тўғрисида маълумот келиб тушмаган.
