Воқеа жойида бўлган “UzNews.uz” мобил мухбири ушбу вазиятни шахсан гувоҳи бўлган ҳамда воқеа жойидан олинган фотосуратларни тақдим этган.
Бугун, 2 август куни тонгги соат 05:10да Истамбул-Тошкент мунтазам қатнови бўйича учиб келаётган “Ўзбекистон ҳаво йўллари” Миллий авиакомпаниясининг Boeing-767 самолёти пойтахт аэропортига қўниш жараёнида тормоз бериш тизимидаги носозлик туфайли шасси ғилдираклари қизиб, шиналарга қисман шикаст етган.
Қўниш штат режимида амалга оширилган. Айни ҳолат юзасидан ҳозирда тергов-суриштирув ишлари олиб борилмоқда. “Ўзбекистон ҳаво йўллари” Миллий авиакомпаниясининг расмий сайти орқали тақдим қилинган маълумотда, юзага келган ушбу ноқулайликлар учун йўловчилардан узр сўрагани ҳам қўшимча қилинган.
