Давлат хавфсизлик хизмати Ахборот хизматининг хабар қилишича, жорий йилнинг 3 ноябрь куни Самарқанд шаҳрида яшовчи Д.Я. ва Ф.Млар 8 нафар маҳаллий фуқаролар билан биргаликда, ижтимоий тармоқларда виртуал жамоат тузиб, "жиҳод"га чорловчи материалларни мунтазам равишда тарқатиб, муҳокама қилиб келганликлари ва келгусида мазкур гуруҳнинг 2 нафар аъзолари Сурия давлатига "жиҳод" қилиш мақсадида, чиқиб кетишни режалаштирганлиги аниқланди.
Ўтказилган тадбир давомида, "виртуал жамоат" аъзоларнинг ноқонуний фаолиятини фош этувчи ашёвий далиллар процессуал тартибда расмийлаштириб олиб қўйилди. Ҳозирда, мазкур шахсларга нисбатан тергов ҳаракатлари олиб борилмоқда.
