МТВ Матбуот хизматининг хабарига кўра, Ўзбекистон мактабгача таълим ёшдаги ва 1-синф ўқувчиларини гриппга қарши эмлаш учун Россиянинг "Гриппол Плюс" вакцинасининг 2 млн дозасини харид қилди.
Маълум қилинишича, вакцина барча мактабгача ёшдаги болалар ва 1-синф ўқувчиларини бепул марказлашган ҳолда эмлаш учун мўлжалланган. Бунинг учун республика бўйича 2753 та эмлаш пунктлари ташкил этилган.
Хабарга кўра, ушбу вакцина ўзининг самарадорлигини Ўзбекистонда ҳам бошқа давлатларда ҳам кўрсатиб бўлган. Вакцина деярли ҳеч қандай ножўя таъсир va контрендикацияга эга эмас. У Жаҳон соғлиқни сақлаш ташкилоти томонидан жорий мавсум учун тавсия этилган вирус штаммларини ўз ичига олади.
