Давлат божхона бошқармаси Ахборот хизматининг UzNews.uz'га хабар қилишича, Андижонда А.Г 218 минг 700 дона, умумий қиймати 57 млн 150 минг сўмлик пиротехника воситаларини Damas автомашинасида сотиш учун олиб кетаётганида тўхтатиб қолинди.
Тошкент шаҳар Чилонзор туманида Н.Х Isuzu'дан картон коробкаларга жойланган пиротехника воситаларини олиб, ўзининг бошқарувидаги Lacetti автомашинасига ортаётган вақтида тезкор ходимлар томонидан тўхтатилиб, мазкур транспорт воситалари белгиланган тартибда кўздан кечирилди.
Натижада, автомашинада хорижда ишлаб чиқарилган ва божхона расмийлаштирувидан ўтмаган, қиймати 259 млн 200 минг сўмлик 8 минг 640 қутида жами 518 минг 400 дона "британик" номли пиротехника воситалари борлиги аниқланиб, ашёвий далил сифатида расмийлаштирилиб олинди.
Мазкур ҳолатлар юзасидан суриштирув ҳаракатлари олиб борилмоқда.
