Жорий йилнинг 17 декабрь куни соат 07:20 атрофида Lada Vesta автомашинасини бошқариб келаётган шахс Қашқадарёда светафорнинг қизил чироғига бўйсунмасдан, ҳаракатни давом эттириб икки йўловчини уриб юборган. Бу ҳақда Қашқадарё ИИБ Ахборот хизмати хабар берди
Натижада йўловчиларнинг бир нафари воқеа жойида вафот этган, иккинчиси шифохонага ётқизилган. Ҳайдовчи жабрланувчиларга ёрдам бермай воқеа жойидан қочиб кетгани айтилмоқда.
Аниқланишича, ушбу ҳайдовчига нисбатан ЖКнинг 266-моддаси 2-қисми ва 117-модда 2-қисми билан жиноий иш қўзғатилиб, тергов ҳаракатлари олиб борилмоқда.
