Жорий йилнинг 10 декабрь куни Сурхондарёда соат 18:30 атрофида одам ўлими билан боғлиқ ЙТҲ содир бўлди, дея хабар берди Сурхондарё ИИБ ахборот хизмати.
Аниқланишича, Узун тумани ҳудудидан ўтган автомобиль йўлида Isuzu автомашинаси ҳайдовчиси йўл ҳаракати қоидаларини қўпол равишда бузиб, йўлнинг қарама-қарши қисмига чиқиб кетган вақтда, ўз йўлида ҳаракатланиб келаётган Nexia автомашинаси Isuzu'нинг ўнг олд қисмига келиб урилган.
ЙТҲ натижасида, Nexia'нинг олд ўриндиғида ўтирган йўловчи оғир тан жароҳати олиб воқеа жойида вафот этган. Ҳайдовчи оғир аҳволда туман шошилинч тез тиббий ёрдам шифохонасининг жонлантириш бўлимига ётқизилган.
