Ўзгидромет хабарига кўра, охирги кунларда республика ҳудуди бўйича июль ойининг боши учун меъёрий қийматлардан 4-6 даражага юқори бўлган аномал иссиқ об-ҳаво кузатилмоқда. Бу ҳодиса Эрон ҳудудларидан қуруқ ва иссиқ ҳаво оқимларининг кириб келиши билан боғлиқ.
Дам олиш кунларида Ўзбекистонда иссиқ ва қуруқ об-ҳаво шароити сақланиб қолади, ҳаво ҳарорати кечалари +24...+27 даража, кундуз кунлари +38...+41 даража, шимолда, жанубда ва чўл ҳудудларнинг баъзи жойларида +44 даражагача атрофида бўлади. Шамолнинг 15-20 м/с тезликкача кучайиши сақланиб қолади.
Айрим тоғли ҳудудларда конвектив булутлилик ривожланиши оқибатида куннинг иккинчи ярмида момақалдироқ билан қисқа муддатли ёмғир ёғиши эҳтимоли бор.
