Ижтимоий тармоқларда аёл кишининг Spark автомобилини қўлидаги таёқ билан пачоқлаб, уятли сўзлар билан сўкингани акс этган видео кескин танқидларга сабаб бўлди.
Ҳолат Янгиҳаёт тумани 5-А даҳасида содир бўлган. Бу ҳақда маҳалла инспектори Zor TV телеканалига берган интервьюсида маълумот берди.
Аниқланишича, оилавий низо туфайли Ш. Ортиқова эри Б. Ортиқовнинг Spark’ини жаҳл устида синдириб, зарар етказган.
Ҳозирда Ш. Ортиқовага нисбатан МЖтКнинг 183-моддаси (Майда безорилик) билан иш қўзғатилган.
