11 май куни Тошкентнинг Янгиҳаёт туманида соат тахминан 18:30 да Gentra ҳайдовчиси бошқа автотранспортларнинг ҳаракатланишига ҳалал берган. Ҳолат акс этган видеони UzNews.uz мобил мухбири юборди.
Ҳолат бўйича 31 ёшли фуқарога нисбатан МЖтКнинг 125-моддаси (Транспорт воситаларидан фойдаланиш қоидаларини бузиш) 6-қисми (БҲМнинг 10 баравари яъни 2 млн 450 минг сўм миқдорида жарима) ва 128-моддаси (Ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги) 5-қисмига (БҲМнинг 4 баравари миқдорида жарима ёки транспорт воситасини бошқариш ҳуқуқидан 6 ой муддатга маҳрум этиш) асосан маъмурий баённома тузилди ва автомобиль вақтинчалик жарима майдончасига жойлаштирилди.
