Туман ҳокимининг хабар беришича, “Мумтоз” тўйхонаси бузилиши режада бор. Аммо, бу яқин йилларда амалга ошмайди, 3-4 йилдан сўнг тўйхона жойи текисланиши лозим. Белгиланган дастур режасига кўра, ана шу тантаналар маскани жойлашган манзилдан айни дамда қурилиш ишлари олиб борилаётган “Сузук ота” мақбараси кўриниб туриши лозим.
Эслатиб ўтамиз, Тошкентнинг нисбатан қиммат ва обрўли тўйхоналари сафига кирадиган “Мумтоз” тўйхонасида яқинда Шайхонтоҳур тумани бўйича хотин-қизлар ўртасида ўтказилган Қуръон мусобақасининг туман-шаҳар саралаш босқичи ҳам ўтказилган эди.
Шунингдек, ЎзА Шайхонтоҳур тумани ижтимоий ҳаётига оид маълумотларни беришда давом этишини таъкидлаб ўтган.
