Уй шароитида қўллаш мумкин бўлган экспресс-тест сотувга чиқарилди. Бу ҳақда Dori-Darmon Ахборот хизмати маълум қилди.
VivaDiagТМ Про SARS-CoV-2Аг экспресс-тест инсонда SARS-CoV-2'дан нуклеокапсид оқсил антигенини тез, сифатли аниқлаш учун мўлжалланган. Бу ўз-ўзини текшириб кўриш учун тест.
Қайд этилишича, у фақат дастлабки скрининг тест натижасини беради. Ушбу тест 16 ёшдан 69 ёшгача бўлган шахсларда бурунда тўпланган намуналарини тампон билан уйда текшириш учун мўлжалланган. 16 ёшдан кичик ва 69 ёшдан ошган одамлардан намуна олиш ва текшириш катталар ҳамроҳлигида ўтказилиши керак.
1 дона экспресс-тест нархи 15 минг сўм.
