Тошкент вилоятидан аёл мурдаси топилди. Бу ҳақда вилоят прокуратураси Матбуот хизмати хабар берди.
Маълумот берилишича, 2022 йилнинг 27 январь куни соат тахминан 21:30 ларда Оҳангарон тумани Гулобод маҳалласидан Паркент тумани «Қизилтоғ» қўрғонига олиб борувчи йўлнинг чап тарафи йўл сатҳидан 3 метр пастликда, қизил рангли чамадон ичидан ёши тахминан 30–35 ларда бўлган, осиё миллатига мансуб аёл киши мурдаси қотиллик аломатлари билан топилган.
Мазкур ҳолат юзасидан ЖКнинг 97-моддаси 1-қисми билан жиноят иши қўзғатилган. Мурданинг шахсига аниқлик киритилган. Дастлабки тергов ҳаракатлари Тошкент вилояти прокуратураси томонидан олиб борилмоқда.
