Пискент туманида фуқародан олган қарзи эвазига қалбаки АҚШ доллари берган шахс ушланди. Бу ҳақда Бош прокуратура Департаменти Матбуот хизмати хабар берди.
Аниқланишича, фуқаро Б.К. ва бошқалар олдиндан тил бириктириб, фуқаро Ж.Р.дан олган қарзи эвазига қалбаки 3 200 АҚШ долларини берганликлари аниқланиб, ашёвий далил сифатида олинган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
