ИИВ Матбуот хизматининг хабар қилишича, 2022 йил 5 март куни Навбаҳор тумани Қалқонота маҳалласида жойлашган "Шукрона" тўйхонаси олдида икки нафар шахс 1 дона шиша идишга жойлаштирилган “Radiy Rа 226 02 5" ёзувли 250 гр радиоактив материални махсус харидорга 50 000 АҚШ долларига сотаётган вақт ашёвий далиллар билан ушланган.
Ҳолат юзасидан ЖКнинг 252-моддаси (Радиоактив материалларни қонунга хилоф равишда эгаллаш) 2-қисми "б" банди билан жиноят иши қўзғатилиб, гумонланувчилар белгиланган тартибида ушланганлар.
Жиноят иши юзасидан тергов ҳаракатлари олиб борилмоқда.
