Ўзгидромет хабарига кўра, жорий йилнинг 10-16 март кунлари Ўзбекистон ҳудудига Эрондан илиқ ва нам ҳаво, сўнгра Кавказ ҳудудларидан нисбатан салқин ҳаво массаси кириб келиши кутилмоқда.
11-16 мартда республика ҳудудининг катта қисмида вақти-вақти билан ёмғир ёғиб, момақалдироқ бўлиши мумкин.
Республиканинг тоғли ҳудудларида ёғингарчилик (ёмғир, қор), вақти-вақти билан кучли бўлади.
10-16 мартда республиканинг айрим жойларида шамол кучайиши кутилмоқда. Жумладан:
- 10 март ва 13-16 мартда Қорақалпоғистон Республикасида, Хоразм вилоятида 17-22 м/с гача;
- 11-12 март ва 15-16 мартда Бухоро, Навоий, Тошкент, Самарқанд, Жиззах, Сирдарё, Қашқадарё, Сурхондарё вилоятларида 17-22 м/с гача, момақалдироқ пайтида 25-28 м/с гача кучайиши мумкин.
