Судланувчи 2015 йилда турмуш ўртоғи билан турмуш қуриб шу кунга қадар икки нафар фарзанди билан яшаб келган. Судланувчи ўзининг аёлини бошқа шахслар билан ишқий муносабатда бўлишидан гумонсираш туфайли ўртада келишмовчилик юзага келган. Оиладаги жанжал туфайли унинг аёли қизлик хонадонига кетиб қолади.
Эркак аёли яшаб турган хонадонга у билан гаплашиб олиш учун келган вақтида рафиқаси билан жанжаллашиб кетган. Хотинининг гапларидан жаҳли чиқиб кетган эркак қайнонасини бир маротаба тепганидан сўнг у ҳушини йўқотади. Шу пайтда эркак хонтахта устида турган пичоқни олиб, турмуш ўртоғининг қорин ва бел соҳасига пичоқ урган. Шундан сўнг, у қайнонасини ҳам 9 маротаба пичоқлаган. Аёли ва қайнонаси олган тан жароҳати натижасида воқеа жойида вафот этган.
Ушбу ҳолат юзасидан ЖКнинг 97-моддаси 2-қисми "а", "в", "ж" бандлари билан айбли деб топилиб, жиноятни содир этган эркакка ЖКнинг 60-моддасига асосан 20 йил 1 ой муддатга озодликдан маҳрум қилиш жазоси тайинланди.
